“Атырау Маржандары” әдеби-сазды кеші өтті

 Махамбет атындағы облыстық академиялық қазақ драма театрында Атырау облысы әкімдігінің қолдауымен, облыстық мәдениет, архивтер және құжаттама басқармасының ұйымдастыруымен «Атырау Маржандары» атты әдеби-сазды кеш өтті. 

    Кеш «Маржан қыз» әнінің шыққанына 70 жыл толуына орай атақты жылқышы, Социалистік Еңбек Ері Маржан Енбаеваны еске алуға және оның бүгінгі сіңлілері – ел экономикасының сан саласында еселі еңбек етіп жүрген атыраулық Маржандарға арналды.

   Маржан Енбаеваның қызы – Дариға Енбаева, басқа да құрметті қонақтар қатысып, сөз сөйледі. Атырау облысы әкімінің қолдауымен ақын, аудармашы, филология ғылымдарының кандидаты Маржан Ершудың «Атырау Маржандары» атты жаңа кітабының тұсауы кесілді. 
Шара барысында Маржан Маршалл «Сән үйінің» үздік топтамасы көрсетіліп, Н.Жантөрин атындағы облыстық филармонияның әншілері өнер көрсетті.

Лиза СЕЙТІМОВА

Суреттерді түсірген Ерлан АЛТЫБАЕВ