Тазалық пен көгалдандыруға аудан тұрғындары да атсалысуда (+ФОТО, ВИДЕО)

Осымен екінші мәрте ұйымдастырылып отырған ерікті еңбек мерекесіне облыстық департаменттер мен басқармалар, қалалық әкімдіктің дербес, салалық бөлімдері, шаһардағы жоғары және арнаулы орта оқу орындары мен кәсіпорын-мекемелерден барлығы 2 мыңға жуық адам қатынасуда.

Тазалық шараларына ондаған бірлік арнаулы техника мен тасымал көліктері тартылған.

Сенбілік қала аумағындағы ауылдық округтер мен облыс аудандарында да жалғасын тапты. Қоқыс-қалдықтарды тазартумен бірге көгалдандыруға да көңіл бөлінуде. Халықтық шараға алғашқы болып шығып, ұйымшылдық танытып, белсенділік көрсеткендердің қатарында исатайлықтарды атауға болар. Төмендегі суреттерден олардың тал отырғызып жатқан сәттерін көруге болады.

Дәулетқали АРУЕВ