![«Таза аймақ - таза өмір» 1 7072ec62 af8d 4eb6 a1d9 ec8ca9240e3a](https://atr.kz/wp-content/uploads/2024/07/7072ec62-af8d-4eb6-a1d9-ec8ca9240e3a-780x470.jpeg)
«Таза аймақ — таза өмір»
Облыстық ҮЕҰ мен волонтерлік бірлестіктердің қатысуымен көлдер мен өзендер жағалауларын тазарту бойынша «Таза аймақ — таза өмір» плоггингі өтті.
Іс-шарада еріктілер қала маңындағы «Жұмыскер» шағынауданындағы Жайық жағасын тазартты.
![«Таза аймақ - таза өмір» 2 9c8e3330 72af 4645 8e0a fd9f3db57bee](https://atr.kz/wp-content/uploads/2024/07/9c8e3330-72af-4645-8e0a-fd9f3db57bee-768x1024.jpeg)
Сенбілік күнін қызықты өткізу үшін ұйымдастырушылар плоггинг жарысын ұйымдастыруды ұйғарған. Бұл экологиялық акцияның жаңа түрі, яғни олар сенбілікті спортпен біріктірген. Командаға бөлініп, маршрут бойымен жүгіріп, қоқыс жинады.
— Біздің жағдайда жүгіру, әрине, қиын болды, бірақ бәрі де жеткілікті жылдамдықпен жүргіре алды. «Таза аймақ – таза өмір» деп аталатын іс-шараны қолдауға 50-ден астам адам келді. Бұл «Таза Қазақстан» акциясы аясындағы шараның бірі. Бірігіп 100 қап қоқыс жинадық», — дейді облыстық ішкі саясат басқармасының жастарды және әлеуметтік бастамаларды қолдау бөлімінің басшысы Айдар Жален.
Жайна МӘЛІМҚОЖА