«Қазгидромет» РМК Атырау облысы бойынша филиалының мәліметіне сәйкес, 14 сәуірде өңірдің батысында, солтүстігінде және шығысында найзағай ойнайды.
Солтүстік-батыстан жел соғады, аймақтың солүстігінде желдің жылдамдығы 15-20 м/с құрайды деп күтілуде.
Төтенше жағдайлар департаменті ескертеді:
– көшеде қатты жел соқса, ғимараттар мен құрылыстарды паналау қажет;
– қатты желден үй қабырғасына тығылмаңыз, өйткені шатыр құлап кетуі мүмкін;
– үзілген сымдарға жақындау қауіпті;
– билборд, маңдайша, жол белгілері, электр желілерінен аулақ жүрген жөн;
– үлкен ағаштардың жанында болу және онда автокөлік қою да қауіпті ;
– үйдің барлық терезесін жауып, құлап кетуі мүмкін балкон мен лоджиядан сақтанған дұрыс;
– автокөлік пен шағын қайық иелері құбылмалы ауа-райы жағдайын ескеруі керек.
Д.Берденов,
Атырау облысы ТЖД ТЖААБ бас маманы
