Мұнайлы шаһарға 5 мың тал егілмек

Экологиялық ахуалы сын көтермейтін Атырау аймағын жасыл желекке орау – маңызды мәселелердің бірі.

Тал егуге жері сортаңдау, табиғаты қолайсыздау өңірді көгалдандыру оңай іс емес. Өйткені, тал отырғызғаннан кейін оны суару да — үлкен жұмыс. Соған қарамастан, шаһарда бұл мәселені шешу жұмыстары қарқынды жүргізілуде.

Айталық, көгалдандыру шаралары мемлекеттік-жекеменшік әріптестік аясында жүзеге асады. Яғни, ағаш отырғызылғаннан кейін қараусыз қалмайды. Уақытында суарылып, күтіп-бапталады. Ол үшін қазынадан қомақты қаражат та бөлінген.

— Көгалдандыру жұмыстары үшін  бес жылға 4 млрд теңге бөлінді. Бұл жұмыстар жалғасын табады, -деді тұрғындар сұрағына жауап берген Атырау қаласының әкімі Мейірім Қалауи

Айбөпе САБЫРОВА