АПАТТЫҢ АЛДЫН АЛҒАН АБЗАЛ

– Бүгінде әлем ғалымдары жаһандық жылыну жедел жүріп жатқандығын айтуда. Мәңгілік саналған мұздар біртіндеп еріп, мұхит сулары арнасынан асуда. Ортасынан бөлініп түскен алып мұздар ағыспен жүзіп, өзге жағалаудағы елдерге қауіп төндіреді. Әлсін-әлсін алапат тасқындардың орын алып жатқандығы да содан.

Әрине, табиғатқа деген қысастық адам қолымен жасалады. Техникалық тұрғыдан дамуымыз тұрмысымызды жақсартқанымен, қоршаған ортаға да зор салмақ салып жатырмыз.