Полипропиленнің жаңа сорттары шығарылуда
«Kazakhstan Petrochemical Industries Inc» ЖШС зауытында өндірілетін полипропиленнің қатары (KPI, «ҚазМұнайГаз» еншілес кәсіпорны) PP H250 GP/7 және PP H253 FF/7 деп аталатын жаңа екі сортпен толықты. Осылайша Қазақстандағы тұңғыш газ-химия кешені полипропиленнің мақсатты 9 маркасын сатылымға шығарды.
РР Н250GР / 7 – стандартты молекулалық-массалық таралуы бар пропилен гомополимері. Өнім жоғары сұйықтықпен, тұрақтандыру формуласының оңтайлы құрамымен және теңдестірілген физика-механикалық сипаттамаларымен сипатталады. Жаңа өнім инъекциялық әдістерімен өнімдерді өндіруге арналған. Аралас композициялар алу үшін қолданылады. Бұл материал қоршаған орта әсерлеріне төзімділігі, теңдестірілген физикалық-механикалық сипаттамаларды қамтамасыз ететін арнайы тұрақтандырғыш құрамымен ерекшеленеді. Үздіксіз талшықтар мен көп талшықты жіптерді өндіруге арналған.
Полипропиленнің бұл маркаларының қолданыс аясы кең. Бұл сорттар ағу жылдамдығымен, қоршаған ортаның әсерінен өңіп кетуге жол бермейтін тұрақтандыру рецептурасының айрықша құрамымен, физикалық-механикалық қасиеттерінің балансымен де өзгеше.
Аталған өнімнің Қазақстандағы негізгі тұтынушысы «Бал Текстиль» ЖШС компаниясы – кілем және кілем бұйымдарын шығаратын Қазақстандағы тұңғыш фабрика. Ол орталық Азиядағы ең ірі кілем фабрикаларының бірі. Бүгінде кәсіпорын өз өнімдерін Ресей, Қытай, Тәжікстан, Қырғызстан, Өзбекстан елдеріне экспорттайды.
Жуырда KPI техникалық қызмет көрсету тобы «Бал Текстиль» ЖШС-де PP H253 FF/7 маркасына табысты омологация жүргізіп, өндірістік желінің ең жоғары жылдамдығында жоғары сапалы көрсеткіштерге қол жеткізді. Мұның арқасында компания ай сайын КРІ-дан 500 тоннаға дейін полипропиленді сатып алуға және оны қайта өңдеп, кілем бұйымдарын Еуропаға экспорттауды жоспарлап отыр.
