Дәлелсіз: «COVID-19 қарсы вакцина 65 жастан асқан адамдар үшін тиімсіз»
Кейбір бұқаралық ақпарат құралдарында COVID-19 қарсы вакцинаның тиімділігінің төмен, тек 8% екендігі туралы ақпарат жарияланды. Неміс ғалымдары AstraZeneca препаратына қатысты осындай қорытынды жасаған екен. Бұл ақпаратты Германияның Федералды Үкіметі мен өндіруші компания өкілдері ресми түрде жоққа шығарды.
Ресми «stopfake.kz» сайты хабарлағандай, бұл жаңалық алғаш рет HANDELSBLATT неміс басылымында үстіміздегі жылдың 26 қаңтарында шыққан. Мақала авторы вакцинаның тиімділігі төмен екендігі туралы ақпаратты тікелей федералды үкімет мүшелерінен алғанын хабарлады.
Алайда, кейіннен Үкіметтің өзі бұл жайтты жоққа шығарып, «бір қарағанда, есептерде екі нәрсе араласқан сияқты: AstraZeneca тиімділігін зерттеуге қатысушылардың шамамен 8%-ы 56-дан 69 жасқа дейінгі адаДәлелсіз: «COVID-19 қарсы вакцина 65 жастан асқан адамдар үшін тиімсіз»мдар, тек 3- 4 пайызы ғана 70 жастан асқандар. Бірақ бұл егде жастағы адамдар үшін тиімділік тек 8% құрайды дегенді білдірмейді» деп мәлімдеді.
AstraZeneca компаниясының ресми өкілдері де бұл ақпаратты жоққа шығарып, егде жастағы адамдарды вакцинациялаудың жоғары тиімділігі қан анализімен дәлелденгенін жеткізді.
Бұл деректер Lancet ғылыми журналында жарияланған вакцинаның клиникалық зерттеулері туралы есептер де растайды.
Демек, 65 жастан асқан адамдар арасында COVID-19 қарсы вакцинаның тиімділігі төмен екендігі туралы хабарламалар негізсіз болып табылады. HANDELSBLATT басылымы тәуелсіз фактчекерлерге ақпарат көздері туралы деректерді немесе қандай да бір өзге растайтын мәліметтерді ұсынбағанын атап өткеніміз жөн.
