Атырауда коронавирус басталғалы 4000-ға жуық бала инфекция жұқтырған

Балаларға инфекция үлкендерден жұғуда.

«Бұл 2020 жылдың 28 наурыз бен 2021 жылдың 17 тамызы аралығындағы жағдай» деп хабарлайды Атырау облысының Өңірлік коммуникациялар қызметі.

«Коронавирус инфекциясы басталғалы бері облыста  14 жасқа дейінгі балалар арасында коронавирус инфекциясын жұқтырудың 3839 жағдайы, жасөспірімдер арасында 1242 жағдайы тіркелді.

Бүгінгі таңда инфекцияның жоғары деңгейі Атырау қаласында,
Жылыой ауданында, оның ішінде Теңіз кен орнында анық байқалып отыр. 

Өткен аптамен салыстырғанда облыста аурушаңдық белгісі 1,1 есеге жоғарылаған» деді Атырау облысы санитариялық-эпидемиологиялық бақылау департаментінің бөлім басшысы Айсұлу Досқалиева.