Атырауда ІТ бағытындағы лагерь ашылды

Атырау қаласында тұңғыш рет ІТ бағытындағы лагерь жұмысын бастады. «IT Camp Polytech» деп аталатын жазғы лагерь Атырау жоғары политехникалық колледжі базасында орналасқан. Бұл туралы облыстық білім беру басқармасының баспасөз хатшысы Эльмира Тұңғатарова хабарлады.

–Жазғы демалысын тиімді әрі қызықты өткізу үшін бізді таңдаған мектеп оқушыларын жазғы лагерьде қуана қарсы алдық. Балалар IT әлемнің қыр-сырын үйренуге кірісіп кетті, – дейді колледж директоры Бағыт Шеркешбаева.

Қазір балалар 3D модельдеу, Python тілінде бағдарламалауды бастады. Алдағы уақытта лагерь қатысушылары үшін түрлі шеберлік сыныптары, тренингтер, саяхаттар ұйымдастырылады.

Асылым ЖАҢАЙ