АЙМАН – ҮЗДІК ОҚЫТУШЫ

Білім

 Байқаудың марапаттау шарасы Алматыдағы Құрманғазы атындағы Қазақ ұлттық консерваториясының концерттік залында өткізілді. Оған еліміздің 63 жоғары оқу орнынан 200 педагог қатысты. Техникалық, физика-математикалық, биологиялық, медициналық, химиялық, экономикалық бағытта үздік тәжірибесімен ерекшеленген оқытушылар арасында атыраулық Айман Амангелдіқызының жеңімпаз атануы университет, облыс үшін үлкен мерей болды. 

ҚР Білім және ғылым министрі А.Сәрінжіпов Айман Мусаеваға Құрмет белгісі мен куәлігін және мемлекеттік грантты салтанатты жағдайда табыстады. Педагог үшін мемлекеттік грант ғылыми-зерттеу жұмысын жүргізу, әлемнің үздік жоғары оқу орындарында тағылымдамадан өту, әлемнің көшбасшы ғалымдарымен халықаралық ынтымақтастық жұмыстарын нығайту, ғылыми-зерттеулерді орындауға  студенттер мен магистранттарды тартуға мүмкіндік береді.

Ғылым және білім жолында елеулі жетістіктерге қол жеткізіп жүрген Айман Амангелдіқызына алдағы уақытта да шығармашылық табыстар тілейміз. 

Самал ӘЛДЕШОВА,
университеттің 
аға оқытушысы, 
экономика магистрі.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған