Әлеумет әлеуеті – басты назарда

Жаңалықтар Әлеумет әлеуеті

Atr.kz/8 тамыз, 2019 жыл. Атырауда халықтың әлеуметтік осал топтарын қолдау бойынша бірқатар жұмыстар атқарылуда.

Атырау облысы әкімі Нұрлан Ноғаев көп балалы аналармен, мүгедек балалар тәрбиеленетін отбасылармен кездесті. Жиналысқа қатысушыларды толғандырған негізгі проблемалар тұрғын үй, атаулы әлеуметтік көмек алу, тұрғылықты жер бойынша тіркелу, мемлекеттік қордан тұрғын үй беруді жеделдету.

Аймақ басшысы ұсыныстарды, сондай-ақ, осы мәселелерді шешуге қатысты проблемаларды тыңдады. Ол барлық мәселелер конструктивті түрде және заң аясында шешілуі керек екенін атап өтті.

-Telegram қосымшасындағы «Атырау облысының әкімдігі» чат каналында облыс тұрғындары көптеген сұрақтар қояды. Шағым, ұсыныстар көп. Біз бәрін тыңдауға дайынбыз, бірақ олар заң аясында шешілуі керек , – деді Нұрлан Ноғаев.

Аймақ басшысының айтуынша, өңірде 12 мыңнан астам көп балалы ана, 21 мыңнан астам мүгедек және т.б. бар. Әрқайсысы оның проблемалары бірінші кезекте шешілгенін қалайды.

– Тамыздың басында Елбасы Тұңғыш Президент Қорының атқарушы директорына дарынды жастар мен ерекше қажеттіліктері бар балаларды қолдауға бағытталған жобаларды іске қосуды тапсырды. Мемлекет басшысы өз кезегінде халықтың әлеуметтік әлсіз топтарына жан-жақты қолдау көрсетуге қатысты бірқатар тапсырмалар берді. Жұмыс көп , біз барлық міндеттерді конструктивті түрде шешудеміз, – деді облыс әкімі.

Қалалық бөлімдер мен облыстық басқарма басшылары көп балалы аналардың сұрақтарына жауап берді. Олар АӘК тағайындаудағы кедергілер, «Бақытты отбасы» бағдарламасына қатысу үшін қандай құжаттар қажет екендігі және аз қамтылған және көп балалы отбасылардың балаларына жаңа оқу жылына дайындалуда қандай көмек көрсетуге болатындығы туралы баяндады.

Дереккөз: Атырау өңірлік коммуникациялар орталығы

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

ӘЛЕУМЕТ ӘЛЕУЕТІ – БАСТЫ НАЗАРДА

Қоғам

 

Сыйға – «Ақылды» аппарат

Рас, компанияның әлеуметтік салаға көмегі он жылдан астам уақыттан бері жалғасып келе жатыр. Осы уақытқа дейін консорциум қаншама игі істер тындырды, ол жағын санап жату артықтау болар. Есесіне, компания әлеуметтік қолдау пакетінің жыл сайын арта түсетіндігін айтады.

Жақында облыстық ауруханада омыртқа жолдары ауыратын адамдарға арналған жаңа жабдық пайда болды. Құны 6 миллион теңге тұратын оңтүстіккореялық аппаратты бас емдеуші орынға «КТК-К» компаниясы сыйлады. Алғашқы нәтижелер жөнінде КТК компаниясы Қазақстан Республикасы Үкіметпен байланыс жөніндегі бас директорының орынбасары Қанатбек Жуминге баяндаған облыстың бас дәрігері Мұрат Құлбасовтың сөзіне қарағанда, аппараттан күні бүгінде отыз адам ем алып шығыпты. «Нәтижелер қуантып отыр.  Аппараттың авторы Оңтүстік Кореядан арнайы келіп, құрылғымен жұмыс жасауды үйретті. Ол – монуолог. Ұзақ жылдардан бері осы мәселемен айналысып келеді» деген бас дәрігер бүгінде «KINETRAC» аппаратының ел бойынша жалғыз, әрі оның Атырауда екендігін мақтанышпен атап өтті. Өз кезегінде Қанатбек Райханұлы компанияның алға қарай да облыстағы бас емдеу орнына көмекті жалғастыра түсетіндігін жеткізді.

Аталған аурухананың физиотерапия бөлімшесінің меңгерушісі Ғайни Дәулетовадан білгеніміздей, аппараттың басты ерекшелігі сол – жабдық  әр науқасты диагнозына қарай, жекелей емдейді екен. Омыртқа проблемасымен айналысатын оңтүстіккореялық физиотерапевт ойлап шығарған жабдық автоматтанған кушетка түрінде жасалған. «Мәселен,  пациентте компьютерлік томография мен МРТ қорытындылары болса жетіп жатыр. Оның диагнозы және бойы мен салмағы компьютерге енгізіледі де, аппарат омыртқаны қандай күшпен және қалай созу керектігін өзі шешеді. Аппараттың басты ерекшелігі сол, ол бұлшық етті қатайтады, әрі проблемалы сегментке чип салынады, кейін аппарат осы аймақта жұмыс істейді» дейді Ғайни Дәулетова. Аппарат жарық (грыжа), омыртқааралық дискілердің протрузиясы, омыртқа каналының тарылуы, тік мүсіннің бұзылуы сынды ауруларды, қазақша айтқанда, жауырын мен аяқ-қол ауруларын отасыз емдеуге арналған. Бір қызығы, аппаратта барлық жағдай ескеріліпті. Тіпті, музыка ойнататын мультимедиялық жабдық та аппаратқа енгізілген. Ем қабылдау кезінде әуен тыңдау арқылы пациент жайлы демалады. Және бір айта кетерлігі, бір сеанстың құны 1 300 теңгеге  бағаланып  отыр.  Әр  сеанстан соң пациент 20-30 минуттай жатып, тынығуы да керек. Бастысы, аппарат бүгінгі науқастардың сұранысын қанағаттандыруға жұмыс істеп отыр.

Осы жерде айта кеткен жөн, «KINETRAC» бұл жылы табысталған бірінші аппарат емес. Қанатбек Жуминнің айтуынша, бұған дейін облыстық ауруханаға «Скальпель-генератор» құрылғысы тапсырылыпты. Аппараттың ерекшелігі сол, оны қолданған уақытта дене тігуді қажет етпейді екен. Бұл құрылғының бағасы 13 миллион теңгені құрайды.

Берсең, балаға бер!

Компанияның іздері қаладағы балабақшаларда да жатыр. 14 қараша күні КТК компаниясы  Қазақстан Республикасы Үкіметпен байланыс жөніндегі бас директорының орынбасары Қанатбек Жумин №6 «Гүлдер»  балабақшасында болды. Компания көрсеткен қолдаудың нәтижесінде балдырғандарда жаңа ойын алаңы  пайда болды. Заман талабына сай абаттандырылған ойын алаңы ең алдымен қауіпсіздігімен ерекшеленіп отыр. «Ойын алаңын таза ауада сабақ жүргізетін орын ретінде де, спортпен шұғылдану үшін де пайдалануға болады» дейді тәрбиешілер.

Салтанатты жағдайда алаңның лентасын қиған Қанатбек Райханұлы сәбилерге ұзақ өмір мен бар жақсылықты тіледі. Осы жерде айта кеткен жөн, бұл балабақша үшін мерейтой қарсаңындағы сыйлық болды. Өйткені, 16 қараша күні мекеменің құрылғанына 35 жыл толды. Жеке өзінің, ұжымының және тәрбиеленуші 650 бүлдіршіннің атынан компанияға алғысын жеткізген балабақша директоры Жұмагүл Бектобанова «Сіздер жасап отырған жақсылық біздің өңіріміз үшін үлкен іс болып табылады. Игі іске өз үлестеріңізді қосу арқылы сіздер материалдық құндылық қана емес, жылулық пен риясыз күлкі, үміт сыйлайсыздар» деп атап өтіп, компанияға Алғыс хат пен естелік сыйлығын табыстады.

Осы жерде айта кеткен жөн, компания мен балабақшаны ұзақ жылдар бойы жалғасып келе жатқан достық қатынас байланыстырып тұр. Консорциум бұған дейін балабақшаға жылу қазандығы мен суару жүйесін  орнатып  берді.

Ауыл төріндегі қуаныш

Сондай-ақ, «КТК-К» компаниясы  жақында  аққыстаулықтар үшін тосын сый жасады. «Аққыстау селосындағы Ынтымақ пен Мұнайшы көшелерінің қиылысында шағын демалыс алаңы жасалынды. Оның аумағы 625 шаршы метрді құрайды. Аталмыш компания он жылға жуық уақыттан бері аудан орталығын абаттандыруға демеушілік көрсетіп келеді» деп атап өтті бізбен әңгімесінде тұрғын-үй коммуналдық шаруашылық бөлімінің басшысы Аслан Амиров.

«Аудан территориясынан бүгінде Каспий Құбыр Консорциумының мұнай құбыры өтіп жатыр. Сол себепті де, аталмыш компания ауданға ылғи әлеуметтік көмек көрсетіп келеді. Биыл компания тарапынан 22 млн. теңге көлемінде қаржы бөлінді. Ол қаржы толықтай аудан орталығын абаттандыру жұмысына жұмсалып отыр» деді біз хабарласқан аудан әкімінің орынбасары Мәди Рахымұлы. Оның айтуынша, аталмыш қаржыға балалар ойын алаңы, шағын футбол алаңы салынып, Ынтымақ көшесіне тротуар төселген. Бұдан басқа, Егемен Қазақстан көшесіне газ желісі жүргізіліпті. «Аудан орталығында ескі газ құбыры болған еді. Құбыр енді жердің астына енгізілді. Білгеніміздей, бұған дейін компания Қаратүбек ауылында жеңіл машина жүретін көпір салып берген екен. «Өркен» елді мекенінде салынған жаяу жүргіншілер көпірінде де КТК компаниясының қолтаңбасы жатыр. Енді келер жылы компания әлеуметтік көмекке 25 млн. теңге бөлгелі отыр. Бұл сомаға аудан орталығындағы Ардагерлер саябағын қайта жаңғыртуды жоспарлап отырмыз» деп атап өтті аудан әкімінің орынбасары Мәди Рахымұлы бізбен телефон арқылы болған әңгімеде.

Компания басшылығының айтуынша, әлеуметтік қолдау мұнымен тоқтамайды. Компания әлі талай жыл көмекке  зәру болып отырған ауылдарға, білім мен денсаулық саласына көмекті ұлғайта түсетін  болады.

Баян ЖАНҰЗАҚОВА.

PR

Пікір үстеу

Э-пошта мекенжайыңыз жарияланбайды. Міндетті өрістер * таңбаланған