Оқуға шақырады: Кәсіби маман болам десеңіз…

2025 жыл жұмысшы мамандықтарын насихаттауға арналады. Осы тұста Атырау облыстық жұмыспен қамтуды үйлестіру және әлеуметтік бағдарламалар басқармасы тұрғындардың кәсіби маман болуына мүмкіндік қарастырған.

Өңірдің жұмыссыз тұрғындарын құрылыс мамандықтары бойынша тегін оқуға шақырады:

1.Құбыр монтаждаушы (курстың ұзақтығы – 2 ай).
2.Электрмонтаждаушы (курстың ұзақтығы – 2 ай).
3.БӨАжА монтаждаушысы (курстың ұзақтығы – 2 ай).
4.Металл конструкцияларын дәнекерлеуші (курстың ұзақтығы – 2,5 ай).
Оқу мерзімі 3 ақпанда басталып, сәуір айында аяқталады деп жоспарлануда.
Ал, оқуға іріктеу 20-31 қаңтар аралығында Атырау қаласындағы APEC PetroTechnic жоғары колледжінде өтеді. Оқуға ниетті үміткерлерге алдын ала тестілеу ұйымдастырылады.
Ұйымдастырушылардың айтуынша, курс оқушылары сабақ кезінде түскі аспен қамтылады. Бірақ тұрғылықты орын мен стипендия қарастырылмаған.
Оқуға іріктеу шараларының уақыты мен орнын төменде көрсетілген телефондар арқылы анықтаңыз: Жұмыспен қамтуды үйлестіру және әлеуметтік бағдарламалар департаменті, Ботагөз Амангелдиева, тел.: +7 702 539 72 96; Жоғары колледж APEC PetroTechnic — Нұрсая шағынауданы, Елорда 24.
Бахыт Нұрбергенова, тел.: +7 707 192 75 64, Асылза Садыкова, тел.: +7 702 342 46 24.

Майра ЕРҒАЛИ

Сурет: halyqline.kz