Жылыойлық 44 кәсіпкер «Таңдау» жобасы арқылы қаржылай көмек алды
Жылыой ауданын дамыту бағдарламасы аясында «Теңізшевройл» ЖШС қолдауымен «Орталық Азияның Еуразия қоры» іске асырып отырған «Таңдау» жобасы жыл қорытындысын шығарды.
Бағдарламаның үшінші кезеңінің жеңімпаздарын марапаттау рәсімі Құлсары қаласында өтті. Жоба Жылыой ауданының тұрғындарына пайызсыз несие беру арқылы өз бизнесін бастау және дамыту үшін бірегей мүмкіндіктер берді.
2023-2024 жылдардың қорытындысы бойынша, кіріспе семинарларға 693 адам қатысты, жобаға қатысуға 269 адам өтінім берді, 105 адам оқудан өтті. Оның ішінде 44 қатысушы кәсіпкерлікке қаржылай қолдау алды. Бір жыл ішінде шағын бизнеске 155 миллион теңге көлемінде пайызсыз несие берілді, — деді «Тандау» жобасының жетекшісі Асқар Ибрагимов.
Жылыой ауданы әкімінің орынбасары Гүлнафис Айшуақованың айтуынша, «Тандау» жобасы тұрғындар арасында сұранысқа ие болып, өзінің тиімділігін дәлелдеді.
Жоба Жылыой ауданының тұрғындары үшін үлкен мүмкіндіктер ұсынады, өйткені жобаның негізгі нәтижелерінің бірі халықтың осал топтарына, соның ішінде көпбалалы отбасыларға, жұмыстан қысқартуға ұшыраған адамдарға және жастарға қолдау көрсету болды, — деді Гүлнафис Айшуақова.
Жобаның үшінші кезеңінде 18 адам жеңімпаз атанды, оның ішінде 13 көпбалалы отбасы, 8 әйел, 8 жас және мердігерлік ұйымдардан демобилизацияланған 5 адам бар.
Жобаның осы кезеңінде білім беру, автосервис, ет өнімдері, тамақтану, ауыл шаруашылығы, тігін өндірісі, Ақпараттық технологиялар сияқты бизнес бағыттарын қолдау үшін гранттар бөлінді. Байқау жеңімпаздарының бірі Жоламан Исабектің айтуынша, ол бастапқыда жобаға күмәнданған, бірақ кейін алдыңғы қатысушылардың нақты нәтижелері мен жетістіктерін көрген.
Оқыту маған бизнес-жоспарды өз бетімше әзірлеуге және құнды өзекті білім алуға көмектесті. Менде автомобиль бөлшектері мен аксессуарлар дүкені бар, ал клиенттер менен жақын жерде шиналар орталығын ашуды жиі сұрайды. Оны заманауи құралдармен жабдықтау, сондай-ақ ұсынылатын сервистің сапасын арттыру үшін «Таңдау» жобасының грантына құжаттар тапсырып, оны ұтып алдым. Енді үш жергілікті жасты жұмысқа орналастыруды жоспарлап отырмын, — деді Жоламан Исабек.
«Таңдау» жобасы Теңіздің жастар, әйелдер және әскерден босатылған жұмыскерлері арасында кәсіпкерлік бастаманы дамытуға ықпал етті. Осылайша «Таңдау» пилоттық бағдарламасы Жылыой ауданында неғұрлым инклюзивті және орнықты экономика құрудың маңызды құралына айналды.
