Жылыойда эвакуацияланған тұрғындар Маңғыстау облысына орналастырылмайды

Әлеуметтік желілерде, месенджерлерде тараған «Жылыойда эвакуацияланған тұрғындар Маңғыстау облысына орналастырылады» деген ақпарат шындыққа жанаспайды. Бұл туралы облыстық жедел штаб хабарлады.

Қазір Құлсарыда қалыптасқан ахуалға байланысты, тұрғындар арнайы белгіленген эвакуациялық пункттерге орналастырылуда. Сонымен бірге, Теңіз кен орнының аумағында жатақханалар дайындалуда.