Жылыой әкімі «Qazaqstan дауысының» суперфиналисін қабылдады

Жылыой ауданының әкімі Жұмабек Қаражанов «Qazaqstan дауысы» мегажобасының суперфиналисі Азамат Төреханды қабылдады, деп хабарлайды atr.kz тілшісі.

Бұл туралы аудан әкімдігінің баспасөз қызметі мәлім етті. Аудан басшысы өнерпазды жеңісімен құттықтап, республикалық додаларда ауданымыздың атын шығарып жүргені үшін алғысын білдірді.

«Жерлісімізге шығармашылық шабыт, еңбегіне жеміс және өнер жолында жаңа жетістіктер тілейміз!» деді аудан әкімі.

Айта кетейік, Азамат Төрехан 2023 жылғы «Qazaqstan дауысы» мегажобасында 3500-ге жуық үміткердің ішінен үздік атанып, супер финалға өткен болатын.