Жол бойындағы жөнсіздік: Атырауда шектеу шаралары қаншалықты сақталуда? (РЕПОРТАЖ)
Atr.kz/18 тамыз, 2020 жыл.Бүгінде дерттің беті бері қарай бастады. Індетке шалдыққандардың саны да азая түсуде. Соған қарамастан біздің облыста шектеу шаралары қатаң сақталып отыр. Соның бірі – облыстың бас мемлекеттік санитариялық дәрігерінің қаулысына сәйкес, сенбі-жексенбі күндері Атырау қаласында жеке көлік құралдарының қозғалысына тыйым салынуы. Өткен демалыс күні осы талаптың қаншалықты орындалып жатқанын көріп қайттық.
Көпір алдындағы кептеліс
Қ о ғ а м д ы қ т ә р т і п п е н қауіпсіздікті сақтауға полиция департаментінің барлық қызметкері жұмылдырылуда. М і н е , б і з д і п о л и ц и я басқармасының патрульдік полиция батальонының взвод командирі, полиция аға лейт е н а н т ы Ө с е р Жә ң г і р х а н қызметтік көлігімен күтіп алып, орталық көпірге қарай алып келеді. Байқағанымыз, демалыс күндеріндегі қаланың бұрынғы қарбалас тірлігі бүгінде саябырсыған. Тек орталық көпірге қарай бет алған жеңіл көліктердің легі болмаса… Аялдама маңында да жолаушылар көп көрінбейді. Бұдан бұрын карантиндік шектеу талабына сәйкес, қоғамдық көлік тоқтатылған болатын.
- – Қазіргі кезеңде тәртіп сақшыларына зор жауапкершілік жүктелді. Елде бұрын-соңды болмаған шектеулер қойылды. Үйреншікті, қалыпты тірліктен тыйылудың қиын екені түсінікті. Адамдардың қарым-қатынасы, жол-көлік жүрістерінің шектелуі қолайсыздық туғызатыны да рас. Бірақ, мемлекеттің қойған талабы мен тәртібіне бағыну керек. Мұның бәрі қауіпті індетті ауыздықтау үшін жасалып жатқан шаралар, — деді полиция басқармасының патрульдік полиция батальонының взвод командирі.
Алдымен, орталық көпірдің Еуропа бетіндегі мобильдік бекетке бет алдық. Бұл жердегі екі тәртіп сақшысы ұзақты күн ашық аспан астында тұр. Бетперде мен қолғап киген олар әрбір көлікті тоқтатып, құжаттарын тексеруде. Анықтамасы бар көлік жүргізушілеріне әрі қарай жүруге рұқсат берсе, себепсіз жүргендерін кері қайтарып жатыр. Ал, кейбіріне бетперде тағу керектігін ескертуде.
Сылтау себеп болмайды
Полиция қызметкерлері «Киа рио» көлігін тоқтатып, ішіндегі төрт жолаушының бетпердесіз отырғанын көрді. «Жұмысқа бара жатырмыз» дегендердің рұқсат қағазы болғанымен, олар карантин талаптарын өрескел бұзған еді. Себебі, көлік ішінде екі жолаушыдан артық адамға тыйым салынған. Сонымен қатар, санитарлық-гигиеналық ережелер сақталмаған. Осы себепті з а ң с ы зд ы қ ж а с ау ш ы л а р ғ а қатысты хаттама толтырды.
Бекетте болған кезімізде кезекшіліктегі полицейді әңгімеге тартып көрдік. Ол «Орталық көпір арқылы өтетін көліктің ағыны көп. Жүргізушілерге бетперде тағып жүрулерін ескертіп, сақтық шараларын түсіндірудеміз» деп әңгімесін қысқа қайырды. Қызметтері қауырт сақшыларға кедергі келтірмеуді ойлап, біз жұмысымызды одан әрі жалғастырдық.
Ендігі бағытымыз – Тұрғын үй қалашығындағы көпір болатын. Бұл мобильдік бекетте алдындағыдай көлік нөпірі байқалмайды. Мұндағы Ерболат е сімді кезекші полицей әр көлікті тоқтатып, құжаттарын мұқият тексеріп жатыр. Қажет болған жағдайда қызметтік планшеттерінен әр жүргізуші туралы деректі анықтап алуда. Оның айтуынша, бүгінгі кезекшілігі қалыпты өтуде. Заң бұзушылық тіркелмеген. «Тұрғындар жауапкершілікпен қарап, түсіністік танытуда. Өйткені, осындай шешімдер арқылы ғана қауіпті індеттің бетін қайтаруға болады» деді жол сақшысы.
«Қашқын» жүргізушінің соңында
Облыстағы карантиндік ш е к т е ул е р к е з і н д е қ а л а тірлігіне қажетті аса маңызды қызметтердің жұмысына тоқтау салынған жоқ. Азық-түлік және дәрі-дәрмек, гигиеналық заттар тасымалы еркін жүріп жатыр. Сондай-ақ, жедел жәрдем, авариялық-құтқару, өрт сөндіру қызметінің көліктері де кедергісіз өтуде.
Б ұ л к ө р і н і с Ә л и е в – Сатыбалдиев көпірінің Еуропа бетіндегі бекетте де байқалды. Мұнда аға лейтенант Асылжан С ә р с е н ғ а л и е в п е н л е й т е нант Қазымбек Наурызбек к е з е к ш і л і к т е г і қ ы з м е т і н атқарып тұр. Олар да облыстың бас мемлекеттік санитариялық д ә р і г е р і н і ң қ а у л ы с ы н бұлжытпай орындаудың аса маңызды екенін айтады. Әр көліктің рұқсат қағазының б а р — ж о ғ ы н а н ы қ т а п , себепсіз жүрген көліктерді кері қайт аруда. Осы сәтте ыңғайсыз жағдай орын алды. Полицейлер «Лада грантаның» жүргізушісіне баршаға ортақ талапты айтып жатқан. Соған қарамастан, көлік турникетті баса-көктеп өтіп, көпірдің үстімен құйғыт а жөнелді. Сақшылар дереу «қашқын» жүргізушіні тоқтатудың амалына кірісті. Көпірдің Азия бетіндегі кезекшілерге хабарланып үлгерді. Біз де жолбасшымен бірге оның артынан қуып жеттік. Амалсыз тоқтаған көлік иесі түрлі сылтау айтып, ақталып жатты. Бірақ, ол неліктен қашқандығын т ү с і н д і р і п б е р е а л м а д ы . Тәртіптің бәріне бірдейлігі себепті, карантиндік шектеу шарасын өрескел бұзушыға қатысты хаттама толтырылды.
Бұл індетпен күресте құқық қорғау саласы мамандарының еңбегі зор. Мобильдік бекеттегі кезекшілер 12 сағаттан ауысып, қызмет етеді. Жауапкершілікті сезініп, тәртіпке бағыну және сол арқылы халықтың денсаулығын қолдан келгенше сақтауға атсалысу – әр тұрғынның азаматтық борышы, — деді взвод командирі Өсер Жәңгірхан.
Бұл күні әр мобильдік бекеттің темірдей тәртіппен қызмет ететініне куә болдық. Қоғамдағы қауіпсіздік пен тұрғындардың тыныштығын күзеткен сақшылар күшейтілген режимдегі қызметтерін абыроймен атқаруда.
Түйін
Қазіргі сәтте «Өзіңді сақтау – өзгені сақтау» деген ұғым аса маңызды. Бір сәтте карантиндік шараларды алып тастап, халықтың емін-еркін қозғалысына мүмкіндік берілсе, мұның арты өкінішті жағдайларға ұрындыруы ықтимал. Осы уақытқа дейін қол жеткен жетістіктеріміздің барлығы да зая кетуі мүмкін. «Сондықтан, әзірге «қамданған қапы қалмайды» деп шектеулерді есте ұстап, сақтық шараларын қолға алған дұрыс» дейді полицейлер.
Майра ОРАЗҒАЛИЕВА
