Жергілікті тұрғындар жиналып балаларға ойын алаңын салып берді (ФОТО)

Атырауда жергілікті тұрғындар жиналып, балаларға ойын алаңын салып берді. Ізгілікті шара Атырау қаласындағы Жарбосынов көшесінде болды.

Осылайша, №83В,85,87 үйдің тұрғындары бірігіп, миллион теңгеден астам қаражат жинап, ойын алаңын салу арқылы балдырғандарды қуанышқа бөлеп отыр.

«Бұрындары балаларымыз әр жерде ойнайтын еді. Өздерінің алаңдары пайда болғанына, біз өте қуаныштымыз. Бәріне үлкен рахмет»,-дейді қала тұрғыны Әсел Мусайова.

Сонымен қатар, балдырғандар да: «бұрын біздер тас жолда ойнап, киімдерімізді жырып алатын едік. Енді қазір өзімізге арналған керемет ойын алаңы бар»,-дей отыра, ағаларына үлкен алғыстарын жеткізді.

Гүлдана Жамбозова