Жастарға жаңа мүмкіндіктер берілді
Қазақстан Республикасының Мемлекеттік қызмет істері агенттігінің Атырау облысы бойынша департаментінің басшысы, Әдеп жөніндегі кеңес төрағасы Нұрлан Еркебаев С.Өтебаев атындағы Атырау мұнай және газ университетінің бітіруші түлектерімен кездесті.
Кездесу барысында мемлекеттік қызметке орналасу тәртібі, жас мамандарды қолдау шаралары және талантты кадрларды мемлекеттік басқару жүйесіне тарту мәселелері хабарланды.
Нұрлан Тәңірбердіұлы мемлекеттік қызметтің жауапкершілігі мен артықшылықтары туралы айтып, жастарды кәсіби дамуға және ел игілігі үшін еңбек етуге шақырды.
Сондай-ақ мемлекеттік тапсырыс аясында жоғары оқу орындарын үздік тәмамдаған түлектерге аудандық және ауылдық деңгейдегі төменгі лауазымдарға конкурстық іріктеусіз тікелей тағайындалу мүмкіндігі қарастырылғанын атап өтті. Бұл – жас мамандарға тәжірибе жинақтап, мемлекеттік басқару саласында өз әлеуетін жүзеге асыруға үлкен мүмкіндік.
Кездесу соңында қатысушылар сұрақтарын қойып, мемлекеттік қызметке қатысты жан-жақты ақпарат алды.
