Жайық өзені мен Каспий теңізін құтқаруда қандай шаралар қабылданып жатыр?

ҚР Су ресурстары және ирригация вице-министрі Нұрлан Алдамжаров ОКҚ алаңында өткен баспасөз конференциясында түсіндіргендей, министрлік 2020 жылдан бері Жайық пен Қиғаш өзендерінің арнасын тазарту жұмыстарын жүргізіп келеді. 2022 жылдан бастап шамамен 4,7 млрд. теңгеге өзенді тазарту жобасы іске асырылуда.

«Жайық өзенінің 55,5 шақырымын тазарттық. Бұл уылдырық шашуға да, балық аулауға да ықпал етті. Жұмыс жалғасуда. Бұдан басқа, ресейлік әріптестермен бірлесіп, Жайық өзенінің тартылу себептерін зерттеу және анықтау жөніндегі іс-шаралар қарастырылған бірыңғай жол картасы іске асырылып жатыр», — деді спикер.