Зейнетақы қоры 21 миллиард теңге көлемінде табыс тапты
Atr.kz/27 қыркүйек, 2019 жыл. «Самұрық-Қазына» қоры Үкімет бекіткен ауқымды жекешелендіру бағдарламасын жүзеге асырып жатыр.
Бұл туралы Atr.kz-ге «Самұрық-Қазына» компаниясының Қоғаммен байланыс және маркетингтік коммуникациялар жөніндегі департаменті хабарлады.
Yellow Pages қағидаларына сәйкес 89 кәсіпорын бәсекелестік ортаға берілді және одан 192 миллиард теңге көлемінде табыс түсті.
Бұл туралы «Энергия көздерінің болашағы: инновациялық өсу» пленарлық отырысы барысында Қордың Басқарма төрағасы Ахметжан Есімов мәлімдеді.
Қор басшысы жекешелендірудің міндеттері Қазақстан Республикасының Ұлттық корын толықтыру, корпоративтік басқарудың алдыңғы қатарлы тәжірибесін енгізу, сондай-ақ ашықтық пен есеп берудің әлемдік стандарттарын қамтамасыз ету екендігін атап өтті.
Ахметжан Есімов өз сөзінде 2018 жылдың қараша айында IPO аясында «Қазатомөнеркәсіп» ҰАК» АҚ уран компаниясының 15% акциясының орналастырылуы сәтті өткенін атап өтті. Инвесторлардың бірі болған Ұлттық банк БЖЗҚ қоржынына 150 млн доллар сомаға компанияның бағалы қағаздарын сатып алды. Бүгінгі таңда осы мәміле аясында БЖЗҚ табысы 21 млрд теңгені құрады.
«Энергетика, телекоммуникация және инфрақұрылым саласындағы Қордың ұлттық сегіз компаниясын IPO-ға шығару жоспарланып отыр. Зейнетақы қорының табысы 21 миллиард теңгені, ал Ұлттық қорға түсетін түсім 168 миллард теңгені құрады »,- деді А.Есімов.
Қор төрағасы өз сөзінде әлемдегі жетекші уран өндіруші «Қазатомөнеркәсіп» ҰАК» АҚ-на тоқталды. 2018 жылы компания акцияларын алғашқы орналастырылу сәтті өтті. Орналастырудан кейін компанияның нарықтық құны 3-тен 4 млрд. АҚШ долларына дейін өсті. Сондай-ақ, «Қазатомөнеркәсіп» АҚ инвестиция көлемі 30 млрд. теңгені құрайтын дайын өнімді шығаруға бағытталған атом электр станцияларына жылу бөлетін құрастырмалар өндіретін жобаны іске асырып жатыр.
