UTEBAEV UNIVERSITY студенттері Астанада жасанды интеллект арқылы экожобалар ұсынды
Астана қаласында өткен «Таза Қазақстан» экологиялық фестивалі еліміздің жасыл болашағына жауапкершілікпен қарайтын жастардың басын қосты. Эко-мәдениетті насихаттап, жаңа идеялар мен бастамаларды қолдауға бағытталған фестиваль аясында Президент Қасым-Жомарт Тоқаев еліміздің әр өңірінен келген жас көшбасшылармен кездесті.
Мемлекет басшысы қатысқан іс-шарада UTEBAEV UNIVERSITY-де жуырда ашылған AI-HUB жасанды интеллект орталығының мүшелері Әлия Кұсманова, Сағадат Әміржанов, Нұрайна Сәрсенбаева, Максим Топильский және Мирас Егеубай экологиялық жобаларын таныстырды. Жас зерттеушілер ұсынған жобалар қоршаған ортаны қорғау бағытындағы тың технологиялық шешімдерге негізделген. Атап айтқанда, қалдықтарды тиімді басқару, климаттық деректерді сараптау, ауа мен су сапасын бақылау, сондай-ақ экологиялық тәуекелдерді алдын ала болжау секілді маңызды мәселелерге назар аударылды.
AI-HUB жастарының бұл бастамалары білімді, креативті көзқарас пен технологияға деген қызығушылықты ел болашағы жолында тиімді пайдаланудың үлгісі.
