Тіркеуге үйден шықпай-ақ тұруға болады

Енді қазақстандықтар Халыққа қызмет көрсету орталықтарына бармай-ақ, мекен-жай бойынша онлайн тіркеле алады. Бұл туралы «Ұлттық ақпараттық техно­логиялар» АҚ бас­қар­ма төрағасы Әсет Тұрысов Фейсбук әлеу­меттік желісіндегі парақшасында жария етті.

25 ақпаннан бастап «Қазақстан Республикасы азаматтарының тұрғылықты мекен-жайы бойынша тіркелуі» қызметін автоматтандырдық. Егер бұрын азамат мекен-жай бойынша тіркелу үшін электрондық цифрлық қолтаңбамен бірге (ЭЦҚ) өтінішті толтырып, бұдан кейін қолға түскен құжатты «Азаматтарға арналған үкімет» мемлекеттік корпорациясының ХҚКО-сына апаратын. Осылайша жаңа мекен-жай жеке куәліктің чипіне түсіп, аталған мәлімет ҚР ІІМ-нің базасына енгізілетін. Бірақ осыдан бастап, өтініш Egov.kz порталына түскеннен кейін қолданушы ХҚКО-ға бармайтын болды. Себебі, аталған мәлімет бірден ҚР ІІМ-нің база­сында жаңартылады, – деп, кез-келген қолданушы бұл жұмыстың нәтижесін 15 минут­тың ішінде тексере алатынын жеткізді.

Ол үшін порталдағы «Мекен-жайлық мәлі­меттерді тексеру» немесе «Мекен-жай анықта­масын алу» қызметін пайдалану қажет.