Халқымызда “Бірлік болмай, тірлік болмас” деген қанатты сөз бар. Шын мәнінде, оның мәні тереңде жатыр. Ауызбіршілігі болмаған елдің керегесі кең, терезесі тең болмасы анық.
Мемлекет басшысы киелі Түркістанда өтіп жатқан ұлттық құрылтай кезінде осы мәселені атап айтты: “Әрбір азамат бірлікті нығайту үшін қызмет етуі керек. Бұл қызмет ешқашан тоқтамайды, үздіксіз жалғаса береді. Өйткені бірлік болса ғана, тірлік болады. Біз осы мызғымас қағидаға әрдайым адал болуымыз керек.
Татулық пен келісімнің ерекше маңызды екенін жұрттың бәрі бірдей сезінбеуі мүмкін. Сол себепті кейде «Ассамблеяның қажеті жоқ» деген ұшқары, яғни күмәнді пікірлер айтылып жатады. Шын мәнінде, Ассамблея – мемлекеттілігіміздің іргесін бекітіп тұрған басты институт.
Қазақстан халқы Ассамблеясы – бірлігімізді нығайтуға қызмет ететін бірегей құрылым. Ассамблея қасиетті қазақ жерін мекен еткен барша этносты ұйыстырып отыр. Онда еңбек етіп жүрген азаматтарды бірліктің елшісі деуге болады”,-деді ол.
Сондықтан, басты байлығымыз – татулығымызды көздің қарашығындай сақтау – парызымыз.
Қатимолла РИЗУАНОВ,
Атырау облысының Құрметті азаматы
