СҮЙІНШІ! Атырау мұнай өңдеу зауыты жаңадан минус 45˚С болатын қысқы дизель отынын шығара бастады
Атырау МӨЗ шығарылатын өнім түрлерін кеңейтті.
2021 жылғы қаңтарда зауытта шекті қату температурасы минус 45 ˚С болатын Altay-45 қысқы дизель отынының бірінші партиясы өндірілді.
ЖШС 403 19154-38-2020 СТ бойынша дайындалған ДТ-А-К5 Altay -45 маркалы дизель отыны мұнайды терең өңдеу кешенінің Prime D 3205 дизель отынын гидротазарту қондырғысында шығарылды. Жаңа өнім K5 класының экологиялық талаптарына сәйкес келеді.
Күкірттің минималды мөлшері және төмен температуралық қасиеттерін жақсартатын қоспалардың болмауы өнімді арктикалық дизель отынының сапасына сәйкес етеді. Атырау МӨЗ-і рекордтық қату температурасы төмен отын шығаратын елдегі алғашқы кәсіпорын болғанын атап өту қажет.
Жаңа дизель отынының бірінші партиясы ішкі нарықтағы қажеттілікті жабу үшін шағын көлемде өндірілетін болады. Одан әрі сұранысқа қарай Altay -45 дизель отынын тиеу көлемі ұлғайтылатын болады.
Естеріңізге сала кетейік, 2019 жылы «АМӨЗ» ЖШС-де сол уақыттағы Қазақстандағы ең төменгі температурадағы Khazar -38 дизель отынын өндіру басталды. Осылайша, Altay -45 өндірісінің басталуымен зауыт сүзілудің төмен температурасымен аязға төзімді дизель өнімдерінің желісін жалғастырады.
Дизель отынының жоғары сапалы төмен температуралы түрлерін өндіру АМӨЗ-ді 3 кезеңдік жаңғырту шеңберінде салынған жаңа қондырғыларды іске қосқаннан кейін мүмкін болды.
«АМӨЗ» ЖШС қоғаммен байланыс қызметі
