«STUDENT AWARDS» жобасы қорытындыланды

Кеше Н.Жантөрин атындағы филармонияда Атырау облысы Ішкі саясат басқармасының қолдауымен «Жастар таңдауы – Атырау» қоғамдық бірлестігі «Atyrau Students Union» жобасын қорытындылау мақсатында «STUDENT AWARDS» іс-шарасын өткізді.

— Жоба жоғары және техникалық-кәсіптік білім берудің оқу бағдарламалары бойынша жүргізілетін сабақтардан тыс кезде жастардың шығармашылық қабілеттерін, эстетикалық талғамдарын дамыту, әлеуметтік белсенділігін арттыру және бос уақыттарын тиімді ұйымдастыру негізінде жұмыс жасайды,- дейді «Atyrau Students Union» жобасының координаторы Санат Маратұлы.

Іс-шараға облыстағы 16 оқу орнынан 150-ге жуық студент қатысып, белсенді деп танылғандары әртүрлі номинациялармен марапатталды.
Тоғжан ЕРМЕК