ФИЛИППИН. Марави қаласының тек 20 пайызы экстремистердің уысында қалып отыр. Бұл туралы осы елдің әскерилері хабарлады. Жауынгерлердің пайымдауынша, жуық арада шаһар толық азат етілуі мүмкін.
Жалпы, Маравиді «Ирак пен Левант лаңкестік тобымен» байланысы бар радикалдық ұйым жендеттері 23 мамырда басып алған еді. Жарты мыңға жуық қаскөй қаладағы жер асты туннельдеріне қару-жарақ жинап, шабуылға жіті дайындалыпты. Кейіннен президент өңірде әскери тәртіп жағдайын енгізді. Қазір мұнда қарулы қақтығыстар жүріп жатыр. Текетірестер кезінде жүзге жуық содырдың көзі жойылды.
