Серік Сәпиев жаңа қызметке тағайындалды

Серік Сәпиев Ұлттық Сурдлимпиада комитетінің президенті болып сайланды.
Бұл туралы Сәпиев әлеуметтік желідегі парақшасында жазды, — деп хабарлайды kazinform.kz.

— Құрметті достар! Мен сіздермен соңғы жаңалықтармен бөліскім келеді. Мен Ұлттық Сурдлимпиада комитетінің президенті болып сайландым. Бүгін Президент ретінде кезектен тыс Конференцияда Комитет басшылығының жаңа құрамын таныстырдым, сондай-ақ алдағы жоспарларды белгіледім. Туризм және спорт министрлігіне, және де бүгінгі іс-шараға қатысқан барлық ардагерлер мен спорт қайраткерлеріне қолдау көрсеткені үшін алғыс білдіремін! Сурдлимпиадашылар Алға! — деп жазды спортшы.
Бұған дейін атақты боксшы, Олимпиада чемпионы және Вэл Баркер кубогының иегері Серік Сәпиев Қарағанды облысының дене шынықтыру және спорт басқармасы басшысының міндеттерін орындауға кіріскені мәлім болды.