![«Сардарлар» сапқа тұрды 1 screenshot 19](https://atr.kz/wp-content/uploads/2022/10/screenshot_19.png)
Жаңалықтар
«Сардарлар» сапқа тұрды
Республика күні қарсаңында №41 мектеп-гимназиясында «Жаса мәңгі, Тәуелсіз Қазақстан!» атты мерекелік кеш өтіп, оқушылар айтулы мерекенің мән-маңызын ұғып, ерекше әсерге ие болды.
Алғаш сөз алған мектеп директоры Қайырғали Азилов ел үшін орны бөлек мерекемен кеш қонақтарын құттықтап, оқушылар жырдан шашу шашты.
![«Сардарлар» сапқа тұрды 2 screenshot 21](https://atr.kz/wp-content/uploads/2022/10/screenshot_21.png)
Іс-шара аясында мектептегі «Сардар» әскери патриоттық клубы мүшелері салтанатты түрде ант беріп, клуб құрамына қабылданды. Кеш қонақтары 5546 әскери бөлімінің кинолог мамандары оқушылармен кездесіп, олардың сұрақтарына жауап берді.
![«Сардарлар» сапқа тұрды 3 screenshot 20](https://atr.kz/wp-content/uploads/2022/10/screenshot_20-1024x565.png)
Қызығы мен қиындығы мол әскери салаға қызығушылық білдірген жоғары сынып оқушыларынан құралған әскери клубтың телефонға телмірген бүгінгі ұрпақты тәрбиелеудегі ролі зор екені күмәнсіз.
Салтанат Сансызбай