Сайпулла Сапанов: «Бұл сайлау – қоғамды топтастырудың ерекше түрі!»
Белгілі саясаттанушы, Халел Досмұхамедов атындағы Атырау мемлекеттік университетінің Ғылыми-зерттеу орталығының әлеуметтанушы ғалымы Сайпулла Сапанов қазақстандық қоғам мен адамдарды топтастырудың ерекше нысаны ретінде бүгін ел көлемінде өтіп жатқан Қазақстан Республикасы Президентінің кезектен тыс сайлауының маңыздылығын атап өтті.
«Ең алдымен, әлемде өте күрделі геосаяси жағдай қалыптасып отырған кезеңде Қазақстанда өтіп жатқан кезектен тыс президенттік сайлаудың маңыздылығын атап өткен жөн. Осыған байланысты сайлау қоғамды және жалпы халықты біріктірудің ерекше түрі. Оның үстіне қазіргі саяси науқан билік пен саяси институттарды одан әрі демократияландырудың шешуші сәттерінің біріне айналуда. Бұл Қазақстанда өтіп жатқан жетінші сайлау, бірақ оның маңыздылығы мынада: осы науқаннан кейін еліміздің саяси жүйесінде түбегейлі өзгерістер басталады. Демек, бұл сайлау – мемлекетіміздің одан әрі демократиялық қайта құрылуының негізгі кепілінің бірі», дейді саясаттанушы Сайпулла Сапанов.
