Құрбан айтта қазақстандықтар қалай демалады?

Қазақстандықтар Құрбан айтта бір күн демалады.

Биыл Құрбан айттың бірінші күні сейсенбі — 21 тамызға тура келеді. Заңнамаға сәйкес діни мерекенің бірінші күні демалыс болып есептеледі.

Конституция күніне орай күнтізбеде демалыс деп белгіленген 30 тамыз биыл бейсенбіге сәйкес келеді. Сол себепті, сенбі 25 тамыз жұмыс күні деп жарияланып, ондағы демалыс 31 тамыз, жұмаға ауыстырылады. Осылайша, қазақстандықтар 30-31 тамыз (бейсенбі, жұма) және 1-2 қыркүйек (сенбі-жексенбі) күндері қатарынан 4 күн демалады.

2018 жылға арналған Қазақстандағы мереке және демалыс күндер тізімін Электронды үкімет порталынан көруге болады.

Хорлан Смадияр