Қызылқоға медицинасы 5 жаңа автокөлікпен толықты
Бұл туралы Қызылқоға ауданы әкімдігінің баспасөз қызметі хабарлайды.
Аудан әкімінің орынбасары Жарас Есенғалиев салтанатты жағдайда Жангелдин, Жасқайрат, Қоныстану, Қаракөл, Тасшағыл дәрігерлік амбулаториясына алынған жедел жәрдем көлігінің кілтін табыстады.
— Ауданының медициналық мекемелеріне келген көліктер алғашқы медициналық санитарлық көмек көрсетуді жақсартуға, денсаулық саласын одан әрі дамытуға оң әсер етпек. Біз ауданның әлеуметтік-экономикалық жағдайын көтеру үшін жұмыстарды одан әрі жандандыратын боламыз, — деді Ж.Есенғалиев.
Жаңа «ГАЗ Соболь» автокөліктерінің бір ерекшелігі жол талғамай құмды жерлер мен шалғай ауылдарға еш қиындықсыз қатынай алады. Науқастарды тасымалдауға арналған көліктің іші жататын орынмен және алғашқы медициналық көмек көрсетуге арналған қажетті құралмен-жабдықтармен қамтамасыз етілген.
