62fb96ce 0058 4e68 bbd9 4d818ddbe37f

Қытайдан келген 35 адам бақылауға алынды

Жаңалықтар Медицина

Atr.kz/30 қаңтар, 2020 жыл. Алтыншы қаңтардан бері Қытай шекарасы арқылы Қазақстанға 12 610 адам келді, 12 365 – Қазақстан азаматы, қалғаны шетелдіктер.

Қазақстанның бас санитар дәрігері Жандарбек Бекшин Қытайдан келген 35 қазақстандықтың бақылауға алынғанын мәлімдеді, деп хабарлайды Sputnik Қазақстан тілшісі.

«Қазіргі кезде 35 адам бөлек боксқа жатқызылды. Олардың ішінде 22 адамда өткір респираторлық вирусты инфекция анықталса, төртеуінде – тұмау, біреуінде тұмау мен паратұмау, яғни аралас инфекция бар болып шықты», – деді Бекшин арнайы баспасөз мәслихатында.

Осылайша, 27 пациентте маусымдық инфекциялар анықталып отыр.

«Ал қалған 8 адам және ауруханаға жатқызылған басқа да азаматтардан сынама алынып, Алматыдағы Айқымбаев атындағы ерекше қаупі бар инфекциялар ұлттық ғылыми-зерттеу орталығында қосымша тест бақылауға жіберілді. Орталықта жаңа коронавирусты анықтау диагностикасы бар», – деді Бекшин.

Оның айтуынша, 6 қаңтардан бері Қытай шекарасы арқылы Қазақстанға 12 610 адам келді. Олардың ішінде 12 365 адам – Қазақстан азаматы, қалған 245-і – шетелдіктер.

«Осы уақытқа дейін медициналық ұйымдар Қытайдан келген қазақстандықтардың 50 процентімен, яғни 6 449 адаммен байланыс орнатып, хал-жағдайын сұрады. Біз қалған азаматтармен хабарласып жатырмыз. Негізгі мақсат – бәрін тіркеуге алу», – деп атап көрсетті Бекшин.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған