Құрманғазыда арнайы көліктер табысталды
Құрманғазы ауданында аудан әкімдігінің сұранысы бойынша облыс әкімі Серік Шапкеновтың қолдауымен аудандағы атқарылатын жұмыс көлемін оңтайландыру мақсатында жаңа техникалық шаруашылық көліктері алынды, деп хабарлайды atr.kz тілшісі аудан әкімінің баспасөз қызметіне сілтеме жасап.
Арнайы техникаларды аудан әкімі Абат Жанғалиев ауданымыздағы тұрғын саны көп Құрманғазы, Еңбекші, Ақкөл ауылдық округтеріне вакуум ассенизатор, алдыңғы тиегіші бар арнайы техника, жиынтығы бар трактор, қоқыс тасығыш Камаз автокөлігі, Камаз вакуум, су тасуға арналған көліктерінің кілтін табыстады.
Сонымен қатар, аудандық тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімі теңгеріміне берілген автогрейдер мен Камаз, арнайы техника гидромек эксковатор-тиегіш автокөлігі «Құрманғазы жолдарына» және «Құрманғазы Су арнасы» мекемесіне табысталды.
Салтанатты шара барысында сөз алған аудан әкімі су жаңа көліктер аудан халқының игілігіне ұзағынан қызмет етсін деп тілек білдірді.
