Құрманғазы ауданының Жапырық және Бұзауслан елді мекендеріне  таза ауыз су берілді

381e30e6 2b6f 418d b246 56e62b6c2fb8 Жаңалықтар

Әлеуметтік желіде Құрманғазы ауданының Жапырық және Бұзауслан ауылдарының тұрғындары су құбырынан иісі сасық көгерген су жүргенін жарияланған еді. Оқиғаның мән-жайымен танысу үшін облыс әкімінің орынбасары Қайрат Нұртаев, аудан әкімі Абат Жанғалиев жағдайды тексерді, деп хабарлайды Атырау облыстық Өңірлік коммуникациялар қызметі.

Құрманғазы ауылдық округінде Шарон өзенінен шығатын Бұзауслан өзегінің сағасы тартылып, су деңгейі төмендеп, сапасының нашарлауына байланысты, биылғы жылдың 5-16 тамыз  аралығында су беру тоқтатылды. Алайда, тұрғындарға таза ауыз су автокөлікпен тегін тасымалданды. 

Десе де, сол аралықта тұрғындарды сапалы таза ауыз сумен қамту мәселесін шешіліп,  «Астрахань-Маңғышлақ» магистральды су құбырынан Құрманғазы ауылдық округіне тиесілі 2 су тазарту қондырғыларына ауыз су берілді. Қазіргі уақытта Бұзауслан өзегін түп тереңдету жұмыстары жүргізіліп жатыр.

Сонымен қатар, Құрманғазы, Еңбекші, Алға ауылдық округтері «Астрахань – Маңғышлақ» магистральды су құбырына қосылып, тұрғындарға таза ауыз су берілді.

Баға берсеңіз
Атырау газеті
Пікір қалдырыңыз