Құрманғазы ауданында ауыс-түйіс
Құрманғазы ауданы әкімдігінің «Мемлекеттік мекемені қайта құру туралы» қаулысына сәйкес жаңадан құрылған «Атырау облысы, Құрманғазы ауданының мәдениет, тілдерді дамыту, дене шынықтыру және спорт бөлімі» мемлекеттік мекемесінің басшысы лауазымына – Зияда Жоламанова тағайындалды, — деп хабарлайды аудан әкімдігінің баспасөз қызметі.
Зияда Сәдуақасқызы 1963 жылы 28 ақпанда Ақтөбе облысы, Ойыл ауданы, Ойыл селосында дүниеге келген. Ұлты – қазақ. Білімі – жоғары. 1986 жылы Ақтөбе мәдени-ағарту училищиесін және 1990 жылы Әл-Фараби атындағы Шымкент педогогика мәдени институтын «Мәдени-ағарту жұмысы» мамандығы бойынша тәмамдаған.
Еңбек жолын 1982 жылы туған ауылы Ойыл селосындағы «Шұғыла» кинотеатрында киномеханик болып бастаған. Әр жылдары 1982-1986 жылдары автоклуб меңгерушісі, киномеханик, Атырау облыстық ғылыми әдістемелік халық шығармашылығы мен мәдени ағарту жұмыстары бөлімінде мәдени-ағарту жұмысының ғылыми әдіскері, бөлім секторы, Құрманғазы аудандық мәдениет үйінің директоры, Құрманғазы аудандық мәдениет, тілдерді дамыту, ішкі саясат бөлімдерінде бас маман қызметтерін атқарған. Сондай-ақ 2015 жылдан бастап Құрманғазы аудандық ішкі саясат, мәдениет, тілдерді дамыту және спорт бөлімінің басшысы қызметтерін атқарып келген.
Сондай-ақ аудандық ішкі саясат бөліміне басшы тағайындалды.
Аудан әкімдігінің «Мемлекеттік мекемені қайта құру туралы» қаулысына сәйкес жаңадан құрылған — Құрманғазы ауданының ішкі саясат бөлімі мемлекеттік мекемесінің басшысы лауазымына – ҚР Президенті жанындағы мемлекеттік басқару академиясының түлегі Ажигереев Мерей Есенгелдіұлы тағайындалды. Ажигерев Мерей Есенгелдіұлы 1989 жылы 13 маусымда Ганюшкино селосында дүниеге келген. Ұлты–қазақ. Білімі–жоғары. 2012 жылы Х.ДосмҰхамедов атындағы Атырау университетін «Туризм» мамандығы бойынша; 2014 жылы Батыс Қазақстан инженерлік-гуманитарлық университетін «Құқықтану» мамандығы бойынша; 2023 жылы ҚР Президенті жанындағы мемлекеттік басқару академиясын «Бизнес және басқару магистрі» мамандығы бойынша тәмамдаған.
Ол еңбек жолын 2013 жылы Құрманғазы аудандық дене шынықтыру және спорт бөлімінде спорт жарыстарын ұйымдастырушы болып еңбек жолын бастаған. Әр жылдары Құрманғазы аудандық ішкі саясат бөлімінде бас маман, Құрманғазы ауылдық округ әкімі аппаратында бас маман, округ әкімінің орынбасары, Құрманғазы аудандық ішкі саясат, мәдениет, тілдерді дамыту және спорт бөлімінде сектор меңгерушісі қызметтерін атқарған.
А.НӘСІПҚАЛИҚЫЗЫ
