Құрманғазы ауданында 12 жасар бала абайсызда суға құлап кетті

0c3b9ae4 a362 43fc b3da c7f280efaaa7 Жаңалықтар

Құрманғазы ауданы Құрманғазы кентінен 38 км қашықтықтағы Сафон ауылдық округінің Сафон ауылында канал арқылы өту кезінде 2011 жылы туған баланың абайсызда суға құлап кетті.

«ТЖД күштері шақырту орнына жедел шықты. 2011 жылы туған бала «Сафон» жасанды каналы арқылы мал айдау кезінде (жылқы малы) абайсызда ат үстінен суға құлап кеткені анықталып отыр.  

Іздестіру жұмыстары барысында сағат 15:30-да жергілікті тұрғындардың күшімен баланың  денесі табылып, туысқандарына берілді», – деп хабарлады Атырау облыстық ТЖД баспасөз қызметі.

Іздестіру-құтқару жұмыстарына ТЖД (8 жеке құрам және 2 техника), АПБ (1 қызметкер және 1 техника) және жергілікті тұрғындар (20 адам және 2 жүзу құралы) жұмылдырылды. 

Баға берсеңіз
Атырау газеті
Пікір қалдырыңыз