Қазақстанда 46 градусқа дейін аптап ыстық болады

news full16248595612578a2e2cd32272fabfb6c1c7dbf739b Жаңалықтар

Синоптиктер Қазақстанда 6-8 маусымда ауа райы қандай болатыны туралы болжам жасады.

Метеорологтар мәліметінше, Қазақстан аумағының басым бөлігінде атмосфералық фронтал бөліктер әсерінен тұрақсыз ауа райы сақталады. Найзағай ойнап, 6 маусымда батыста, 7-8 маусымда солтүстік-батыста аздаған жаңбыр жауып, 8 маусымда еліміздің солтүстігінде жаңбыр мен бұршақ жауады. Тек еліміздің оңтүстігінде жауын-шашынсыз ыстық ауа райы сақталады.

«6-7 маусымда солтүстікте күндіз өте қатты ыстық болады. 6 маусымда орталықта, республиканың шығысында 41 градус, 8 маусымда оңтүстік-шығыста 41 градусқа дейін, еліміздің оңтүстігінде 46 градусқа дейін ыстық сақталады. 8 маусымда еліміздің солтүстік-батысында, солтүстігінде ыстық 22-30 градусқа дейін төмендейді», – делінген хабарламада.

Баға берсеңіз
Атырау газеті
Пікір қалдырыңыз