Бүгін «AMANAT» партиясы Атырау облыстық филиалы жанындағы білім және денсаулық мәселелері жөніндегі аймақтық кеңестің отырысы өтті.
Кеңестің күн тәртібінде ҚР Президенті Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауын талқылап, маңызды міндеттер мен бағыт-бағдарларға тоқталды.
Сонымен қатар, өңірдің мектепке дейінгі және мектеп мекемелерінің бір топ есепшілерінің еңбекақысын көтеру, Индербор кентіндегі Көктем орта мектебінің техникалық қызметкерлерінің жұмыс регламенті мәселелері көтерілді.
Күн тәртібіндегі мәселер жан-жақты талқыланып, қаралған мәселелер бойынша жауапты мекеме басшылары шақырылып, кеңес мүшелері және қатысушылар тарапынан нақты ұсыныстар берілді.
-Кеңес мүшелеріне белсене қатысқаны және жауапты мекеме басшыларының көтерілген сұраққа деген жауапкершілігі үшін алғысымды білдіремін. Аталған ұсыныстардың орындалуы кеңес мүшелері тарапынан бақылауда болады, – деді білім және денсаулық мәселелері жөніндегі аймақтық кеңестің төрағасы Саламат Идрисов.
