Парламент депутаттары Атыраудағы кәсіпорындардың жұмысымен танысты

Атырауға жұмыс сапарымен келген Парламент депутаттары өңірдегі көптеген нысандарды, кәсіпорындарды аралап, олардың жұмыс барысымен танысты.

Осы орайда, ҚР Парламенті Сенатының депутаты Ғұмар Дүйсембаев, облыстық мәслихат хатшысы Өмірзақ Зинуллин Атырауда салынып жатқан фармацевтикалық зауытқа барды. Құрылыс қарқынына көз жеткізіп, аталған зауыттың болашақтағы маңызына тоқталды.

Сонымен қатар, халық қалаулылары «Каспий Лана Атырау» жүн өңдеу зауытының жұмысшыларымен кездесті. Олармен Елбасының Жолдауынан туындаған маңызды бағыттарға байланысты ой бөлісіп, кәсіпорынның алдағы жоспарына қанықты.

Ал, бүгін Парламент депутаттары «ЕмбіМұнайГаз» АҚ-ы және Атырау Мұнай өңдеу зауытының қызметкерлерімен кездеседі.

Айқара Ғұмар