«Өзгеге өмір сыйла» акциясы аясында 90 атыраулық қан тапсырды (+ФОТО)

Atr.kz/9 тамыз, 2019 жыл. Атырау облыстық қан орталығында бүгін сағат 9-дан 12-ге дейін қан қабылданды, осы уақыт аралығында донорлар 43 литр қан тапсырды.

Процедурадан бұрын қан тапсырғысы келген адамдар денсаулығының жай-күйіне, қан құрамына, гемоглобиннің деңгейіне және қан қысымының өлшемін тексерді. Акция барысында қан аурулары, жол-көлік оқиғаларында жарақат алу және т.б. үшін қан жиналды.

Айта кетейік, «Өзгеге өмір сыйла» акциясының ұйымдастырылуына ықпал еткен Азаматтық орталық.

Дереккөз: Атырау өңірлік коммуникациялар қызметі