Балқашта тілсіз жау тұтас бір отбасының өмірін жалмады. Қорғаныс министрлігіне қарасты №53898 әскери бөлімінің ұшқышы Еркін Үдербаев отбасымен бірге өрттен қаза тапты.
Бұл туралы Қарағанды облыстық ТЖД баспасөз қызметіне сілтеме жасаған NUR.KZ хабарлайды.
«Өрт бес қабатты тұрғын үйдің бірінші қабатындағы пәтерде тұтанған. Өрттің жалпы аумағы 30 шаршы метрді құрады. Бүгінде өрттің неден шыққаны анықталып жатыр», – делінген баспасөз хабарламасында.
Еркін Үдербаев 33 жаста. Әскери бөлімде ұшқыш болып қызмет ететін ол 29 жастағы жұбайы және 2 жастан асқан ұлымен бірге Ақтөбеде жерленеді.
