![Олжас Бектенов Құлсарыдағы жағдайды тексеріп, ахуалды назарға алды. 1 bdaac3a2 00da 43a6 9bbb d54e3d927179](https://atr.kz/wp-content/uploads/2024/04/bdaac3a2-00da-43a6-9bbb-d54e3d927179.jpeg)
Олжас Бектенов Құлсарыдағы жағдайды тексеріп, ахуалды назарға алды.
Мемлекет басшысының тапсырмасы бойынша Премьер-министр су тасқынына қарсы іс-шараларды үйлестіру және су тасқыны кезеңінің салдарын жою жөніндегі республикалық штабтың басшысы Олжас Бектенов Атырау облысындағы қазіргі жағдайды тексерді. Аумақты тікұшақпен барлап өтіп, жағалауды нығайту жұмыстарының барысы қаралды.
Олжас Бектенов Құлсары қаласының тұрғындарымен сөйлесіп, тұрғындардың қабылданып жатқан шараларды күшейту жөніндегі сұрақтарына жауап берді. Бұл туралы ҚР Үкіметінің ресми парақшасында хабарланған.
![Олжас Бектенов Құлсарыдағы жағдайды тексеріп, ахуалды назарға алды. 2 bf2c8626 a96f 4723 96de c5746324824d](https://atr.kz/wp-content/uploads/2024/04/bf2c8626-a96f-4723-96de-c5746324824d-1024x678.jpeg)
Ұшу кезінде Жайық және Жем өзендерінің жай-күйі тексерілді, онда су тасқыны анық байқалып отыр.
➤ Жергілікті ауқымдағы табиғи сипаттағы ТЖ режимі Жылыой және Қызылқоға аудандарында сақталады.
➤ Бүгінде Қызылқоға ауданында Миялы, Аққора, Жангелдин, Жасқайрат және Қөздіқара ауылдарында қауіп-қатер жойылды.
➤ Ақтөбе облысы Ойыл ауданы тарапынан Жем өзені деңгейінің көтерілуіне байланысты Жылыой ауданы Құлсары қаласын су басқан.
➤ 28 551 адам эвакуацияланды.
➤ Судың ағу қарқынын төмендету мақсатында Жем өзенінің аңғарын үш рет қолдан жырылды, сонымен қатар Жем өзенінің бойында орналасқан жасанды бөгеттер бұзылды.
![Олжас Бектенов Құлсарыдағы жағдайды тексеріп, ахуалды назарға алды. 3 efd9971a f891 4778 9e5f 9b552d006125](https://atr.kz/wp-content/uploads/2024/04/efd9971a-f891-4778-9e5f-9b552d006125-1024x682.jpeg)
Бұл шаралар өзен арнасын қайта бағыттауға және судың кедергісіз ағуын қамтамасыз етуге, ағынның Каспий теңізіне қарай өткізу қабілетін арттыруға және су тасқыны қаупін азайтуға мүмкіндік берді.
Тұрғындар мен еріктілер тұрғын үй секторын су басуға жол бермеу бойынша жұмыстар жүргізуде.