Өткен жылы Қызылқоғада 21 кәсіпкерлік нысаны іске қосылды

Бұл туралы өткен жылда атқарылған жұмыстар туралы есеп берген Қызылқоға ауданының әкімі Нұрсұлтан Бисембиев айтты» деп хабарлайды Атырау облыстық коммуникациялар қызметі.

Тағы бір атап өтерлігі, агросекторда өңдеу саласына бетбұрыс бар.  «Құрман» шаруа қожалығының тәулігіне     2 тонна сүт өнімдерін шығару цехы және мал сою пункті бар 100 басқа арналған бордақы алаңы жоспарлануда. Жоба құны 265,0 млн теңге. Нәтижесінде  15 адам жұмыспен қамтылатын болады» деп атап өтті  Қызылқоға ауданының әкімі Нұрсұлтан Бисембиев.

Бұдан бөлек, шағын грант қаражатын алған 45 адам өз жобалары бойынша жұмыс атқаруда. 

«Шағын және орта кәсіпкерлікті қаржыландыру бойынша 168 жобаға 953,3 млн.теңгенің    несие қаражаты алынды. «Ауылдық жердегі шағын және орта бизнесті дамыту» бағдарламасы бойынша 23 жобаға 100,3 млн. теңге берілді» деді спикер Нұрсұлтан Бисембиев.