«Nur Otan»: Ұстаздарды не толғандырады?

«Nur Otan» партиясының сайлау алдындағы үгіт-насихат жұмыстары жалғасын табуда. Осы орайда депутаттыққа үміткерлер партияның бағдарламасымен таныстырып, тұрғындардың өтініш-тілектерін тыңдап келеді.

Бүгін Атырау облыстық мәслихат депутаттығына кандидат Абдолла Идресов Атырау сервис колледжінің ұстаздарымен кездесті.

• — Сайлауалды бағдарламасының басты мақсаты – халықтың өмір сүру сапасы мен әл-ауқатын үнемі жақсарту үшін жағдай жасау болып табылады. Сайлауалды бағдарламада білім сапасын арттыру,  кәсіпкерлік саласы да қалыс қалмаған. Жалпы, шағын және орта бизнесті дамыту – өңір экономикасының өсу резервтерінің бірі. Сонымен қатар жас­тарды жұмыспен қамту және олардың инновациялық кәсіпкерлік бастамаларын қолдау қажет, — деді А.Идресов.

Ұстаздар тарапынан қоғамдық көлік қатынасы және интернет бойынша ұсыныс-пікірлері тыңдалды.

Майра ОРАЗҒАЛИЕВА