“Нарын таңы” газетіне жаңа бас редактор тағайындалды

Исатай аудандық “Нарын таңы” қоғамдық-саяси газетінің бас редакторы болып жас журналист Жайна Мәлімқожа тағайындалды. Бұған дейін бұл қызметті абыроймен атқарып, басылымның дамуына сүбелі үлес қосқан Аяпберген Салихов зейнет демалысына шықты.

Жайна Мәлімқожа – ауданның тыныс-тіршілігін жақсы білетін тәжірибелі маман. Ол бұған дейін облыстық “Атырау” және аудандық “Нарын таңы” газетінде тілші болып жұмыс істеген. Сонымен қатар, Х.Досмұхамедов атындағы Атырау университетінің Медиа орталығын басқарып, “Университет” газетінің редакторы қызметін атқарған.