Екінші тоқсаннан бастап, оқушылар саны 300-ге жетпейтін қала және ауыл мектептерінің жұмысы дәстүрлі форматқа көшіріледі.
Қазақстандық оқушылар бірінші тоқсанды аяқтап, 5-14 қараша аралығында күзгі демалысқа шығады.
Екінші тоқсан 15 қарашада басталады. Білім және ғылым министрлігі екінші тоқсанда мектепке барып оқитын оқушылардың саны артатынын хабарлады.
Сондай-ақ, ата-аналардың өтінішімен 1-ден 5-сыныпқа дейін, халықаралық мектептерде 7-сыныпқа дейін кезекші сыныптарда оқуға рұқсат етілді.
Осылайша, екінші тоқсанда екі формат бойынша білім алатын балалардың болжамды саны:
- қашықтан оқыту форматында – 2,2 миллион;
- дәстүрлі форматта – 1,2 миллион, оның ішінде:
– 800 мыңнан астам бала кезекші сыныптарда (1-5 сынып),
– шағын жинақты 4010 мектепте 434 мың оқушы,
-13 халықаралық мектепте 3 мыңға жуық бала (1-7 сынып) оқиды.
