Маса мазаны алып бітті

Мерзімдік басылым беттерінен оқығанымыздай, жыл сайын масамен күреске ондаған миллион теңге  қаражат бөлінеді. Бірақ, нәтиже күткендегідей емес. Кешқұрым тал-терек айналасын әңгіме етпегеннің өзінде ашық алаңқайларда демалып отыру, болмаса үйде тыныш ұйықтау мүмкін емес. Бұл, әсіресе, кішкене сәбилері бар отбасыларына қиын.

Сол себепті тек қала орталығындағы көшелердің масаларын улап қоймай, тасада орналасқан екі, үш қабатты ескі үйлер мен жатақханаларда тұратын тұрғындарды да естен шығармаған жөн.

Ақмарал ІЗТІЛЕУҚЫЗЫ,

жас ана.

Атырау қаласы.