Мақатта “Болашақ” аллеясы ашылды

“Болашақ” шағынауданында орналасқан «Болашақ» аллеясының құрылысы толықтай аяқталып, халық игілігіне пайдалануға берілді.

Бұл туралы Өңірлік коммуникациялар қызметі мәлім етті.

— Ауданда халықтың қолайлы ортада өмір сүруіне бағытталған бірқатар жұмыс атқарылуда. Міне бүгін соның нәтижесі “Болашақ” аллеясының ашылуы салтанатына куә болып жатырсыздар. Бұл орын балалар мен аудан тұрғындарының қолайлы демалыс орнына айналады деген үміттеміз. Осы жобаға үлес қосқан барша азамат пен мердігер компанияға алғысымызды білдіреміз,- деді Мақат ауданының әкімі Азамат Мәмбетов.

Аумағы 0,585 гектар аумақты алып жатқан аллеяның құрылысын «СК Алаш» ЖШС мердігер мекемесі атқарды. Құрылыс барысында жердің беткі қабатына арнайы резеңке мен тастар төселіп, балаларға арналған ойын алаңы салынды. Тұрғындардың кешкі уақыттағы қауіпсіздіктері үшін демалыс орны толығымен жарықтандырылған.

Сәуле МАҒАУ