Мақат-Қарабау жолында жоғалып кеткен адам табылды

Кеше 112 пультіне 1989 жылы туған ер адамның Қызылқоға ауданының Қарабау ауылына бағыт алған мотоциклімен Мақат ауылынан шығып, хабарсыз кеткені туралы мәлімет келіп түсті, — деп хабарлайды облыстық төтенше жағдайлар департаментінің қоғаммен байланыс тобы.

Іздестіру жұмыстары түні бойы жалғасып, нәтижесінде таңертең ер адам «Мақат-Қарабау» жолының бойында табылды. Ол аман-есен Мақат ауылына жеткізілді, медициналық көмек қажет болмады.

Белгілі болғандай, ер адам мал іздеп шығып, мотоциклі сынып қалғандықтан жолда қалған.